Xəbərlər

BAKI, 30 yanvar — Sputnik. Gömrük əməkdaşlarının üç aydır gecikən maaşları verilib. Sputnik Azərbaycan-ın məlumatına görə, bununla bağlı qurumun mətbuat katibliyindən bildirilib. "Artıq həmin işçilərin hər birinin maaşları verilib" - açıqlamda deyilir. Qeyd edək ki, sosial şəbəkələrdə gömrük əməkdaşlarının maaşlarının verilməməsi ilə bağlı məlumatlar yayılıb. Belə ki, Dövlət Gömrük Komitəsinin (DGK) bəzi əməkdaşları 3 aydır maaşlarını ala bilmədiklərini açıqlayıblar. Şikayətçilər yaranmış vəziyyəti Gömrük Komitəsinin builki büdcə öhdəliklərini yerinə yetirməməsi ilə əlaqələndiriblər. Onlar quruma ayrılan maliyyə vəsaitlərinin bütün işçilərin məvaciblərini gecikmə olmadan ödəməsi üçün kifayət etdiyini söyləyiblər. Artıq bir müddətdir ki, bu problemin sosial şəbəkələrdə də işıqlandırıldığını, lakin buna baxmayaraq heç bir tədbir görülmədiyini bildiriblər. Məsələ ilə bağlı bugünlərdə Komitəsinin sədri Şahin Bağırov da açıqlama verib. "Bəzi texniki məsələlər var. Onlar həll olunduqdan sonra hamı maaşını alacaq. Burada ajiotaj yaratmağa ehtiyac yoxdur" - Şahin Bağırov deyib. Məlumat üçün bildirək ki, prezident İlham Əliyev yanvarın 27-də Dövlət Gömrük Komitəsinin xüsusi rütbəsi olan əməkdaşlarının aylıq vəzifə maaşlarının artırılması haqqında fərman imzalayıb. Fərmana əsasən, əməkdaşların aylıq vəzifə maaşları orta hesabla 10 % artırılıb. Fərman bu il yanvarın 1-dən qüvvəyə minir.

BAKI, 11 fevral — Sputnik. Fevralın 10-da Çinin ABŞ-dən idxal olunan bəzi məhsullara əlavə rüsum tətbiqi barədə qərarı qüvvəyə minib. Bu barədə Çin Dövlət Şurasının gömrük rüsum komissiyası məlumat yayıb. Qurum əlavə rüsumların tətbiq olunacağı malların siyahısını da dərc edib. Çin tərəfi ABŞ-dən idxal olunan kömür və maye qaza 15 faiz, xam neft, kənd təsərrüfatı texnikası, iri avtomobillər və pikaplara isə 10 faiz əlavə tariflər tətbiq etməyə başlayıb. Qeyd edək ki, ABŞ mallarına əlavə rüsumların tətbiqi Donald Tramp administrasiyasının Çindən idxal olunan məhsullara 10 faizlik əlavə rüsum tətbiqi barədə qərarına rəsmi Pekinin cavabıdır. Çin təkcə rüsum cavabı ilə kifayətlənməyib. Çinin Kommersiya Nazirliyi və Baş Gömrük Administrasiyası nadir metalların, o cümlədən volfram, tellur, bismut, molibden və indiumun ixracına fevralın 4-dən məhdudiyyət tətbiq etməyə başlayıb. Bundan başqa, rəsmi Pekin Çin müəssisələri ilə adi əməliyyatları dayandırmaqla və Çin firmalarına qarşı ayrı-seçkilik tədbirləri görməklə normal bazar əməliyyatları prinsipini pozduğu üçün ABŞ-nin "PVH Group" və "Illumina" şirkətlərini etibarsız müəssisələr siyahısına salıb, ABŞ-nin rüsum qərarından Dünya Ticarət Təşkilatına şikayət edib, Dövlət Bazar Tənzimləmə İdarəsi anti-inhisar qanunlarını pozmaq şübhəsi ilə "Google"a qarşı istintaqa başlayıb. Bəzi ekspertlər hesab edir ki, qarşılıqlı rüsum tətbiqi barədə qərarlar, əslində, iki ölkə arasında növbəti "ticarət müharibəsi"nin başlanması deməkdir. Donlad Tramp hələ ilk prezidentliyi dövründə Çinə qarşı sərt mövqeyi ilə yadda qalıb. Həmin dövr ABŞ-Çin münasibətlərində, xüsusən də iqtisadi-ticari əməkdaşlıqda olduqca böyük gərginlik yaranmışdı. Təsadüfi deyil ki, həmin dövrdə Çin-ABŞ münasibətləri son onilliklərin ən aşağı səviyyəsinə enmişdi.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

Xəbərlər Rəylər Onlayn təqdimatlar Gömrük statistikası Xarici ticarətin vəziyyəti haqqında Ən çox idxal olunan mallar Ən çox ixrac olunan mallar Gömrük rüsumlarının statistikası Statistik bülleten Büdcə daxilolmaları Layihələr Satınalmalar Tender Təkliflər sorğusu Kotirovkalar Nomenklatura XIF-in mal nomenklaturası XIF-in mal nomenklaturasının beynəlxalq izahnaməsi HS 2017-2022 korrelyasiya cədvəli Valyuta məzənnələri Terminlər lüğəti Hüquqpozmalarla mübarizə Beynəlxalq əməkdaşlıq Tez-tez verilən suallar Gömrük hərracı Sərhəd keçmə vaxtları Gömrüyün idman həyatı Sosial layihələr Təkmilləşdirilmiş tranzit sistemi və ümumi məlumat mübadiləsinə dair iclas keçirilir Əsas Faydalı Xəbərlər Təkmilləşdirilmiş tranzit sistemi və ümumi məlumat mübadiləsinə dair iclas keçirilir Təkmilləşdirilmiş tranzit sistemi və ümumi məlumat mübadiləsinə dair iclas keçirilir Oktyabrın 3-də Ümumdünya Gömrük Təşkilatının (ÜGT) Bakı şəhərindəki Potensialın Gücləndirilməsi üzrə Avropa Regional Ofisində Asiya İnkişaf Bankının dəstəyi ilə reallaşdırılan Mərkəzi Asiya Regional İqtisadi Əməkdaşlıq Proqramının (CAREC) Təkmilləşdirilmiş Tranzit Sisteminin və Ümumi Məlumat Mübadiləsinin sınaq mərhələsinə dair iclas öz işinə başlayıb. Tədbirdə Azərbaycan, Özbəkistan və Gürcüstan gömrük xidmətlərinin, həmçinin  Asiya İnkişaf Bankının səlahiyyətli nümayəndələri, ekspertləri iştirak edir. İclasın məqsədi beynəlxalq ticarətin inkişafı üçün əlverişli şəraitin yaradılması, malların dövlət sərhədlərindən keçirilməsini sürətləndirməsi məqsədilə tranzit prosedurlarının sadələşdirilməsidir. Tədbirdə iştirakçı ölkələrin beynəlxalq ticarət dəhlizlərinin üzərində yerləşdiyi, bu baxımdan gömrük orqanları arasında beynəlxalq əməkdaşlığın daha da gücləndirilməsinin, tranzitin sadələşdirilməsi və təkmilləşdirilməsinin mühüm əhəmiyyət daşıdığı vurğulanıb. O da qeyd olunub ki, cari ilin mart ayında Bakıda Orta dəhliz üzərində yerləşən ölkələrin gömrük xidmətləri rəhbərləri arasında tranzitin sadələşdirilməsi, gömrük əməliyyatlarının kağızsız texnologiyalar əsasında elektron mühitdə həyata keçirilməsi ilə bağlı səmərəli müzakirələr aparılıb, həmçinin CAREC çərçivəsində qurulan əməkdaşlıq da bu sahəyə öz töhfəsini verəcək. Daha sonra Mərkəzi və Qərbi Asiya Departamentinin Regional Əməkdaşlıq və İnteqrasiya Bölməsinin Regional Rəhbəri Lyaziza Sabyrovanın videomüraciəti izlənilib, həmçinin ÜGT-nin Bakı şəhərindəki Potensialın Gücləndirilməsi üzrə Avropa Regional Ofisinin rəhbəri Antonio Lo Parco çıxış edərək tədbirin, beynəxalq ticarətin inkişafında tranzitin sadələşdirilməsinin əhəmiyyətindən bəhs edib. Tədbir çərçivəsində Azərbaycan Respublikası, Gürcüstan və Özbəkistan Respublikasının gömrük orqanları arasında Mərkəzi Asiya Regional İqtisadi Əməkdaşlıq Proqramının (CAREC) Təkmilləşdirilmiş Tranzit Sisteminin və Ümumi Məlumat Mübadiləsinin sınaq mərhələsinin həyata keçirilməsi haqqında Anlaşma Memorandumu imzalanıb. Qeyd edək ki, 3 gün davam edəcək tədbirdə effektiv tranzit rejimlərinin inkişafının əhəmiyyəti, CAREC regionunda ticarətin artırılması üçün tranzit potensialın gücləndirilməsi və digər mövzularda təqdimatlar keçiriləcək, müzakirələr aparılacaq.     DGK Mətbuat və İctimaiyyətlə Əlaqələr İdarəsi 3 Oktyabr 2023 18:24 Paylaş :