Xəbərlər

BAKI, 3 sentyabr — Sputnik. Türkiyə BRIKS-ə üzvlük üçün müraciət etməsinə baxmayaraq, Avropa İttifaqına (Aİ) namizəd olaraq qalır. Bunu ittifaqın xarici siyasət xidmətinin rəsmi nümayəndəsi Peter Stano Brüsseldə keçirilən brifinqdə deyib. "Türkiyə, hər hansı digər ölkə kimi, onun üçün nəyin daha yaxşı olduğuna qərar verə bilər, ittifaqlar formalaşdıra və əməkdaşlıq qura bilər. Avropa İttifaqı ilə münasibətlərə gəlincə, Türkiyə bəzi məhdudiyyətləri nəzərdə tutan namizəd ölkə olaraq qalır. Bizim Türkiyə ilə ortaq gömrük ittifaqımız, bu ölkə üçün yaxşı və çox sərfəli ticarət əlaqələrimiz var", - Stano qeyd edib.Bu yaxınlarda "Bloomberg" mənbələrə istinadən bildirib ki, Türkiyə BRİKS-ə qoşulmaq üçün müraciət edib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

BAKI, 12 sentyabr — Sputnik. Dövlət Gömrük Komitəsinin Hava Nəqliyyatında Baş Gömrük İdarəsinin əməkdaşları daxil olmuş əməliyyat məlumatı əsasında diş implantları və aksessuarlarının gömrük sərhədindən qanunsuz yolla keçirilməsinin qarşısını alıblar. Sputnik Azərbaycan xəbər verir ki, bu barədə Dövlət Gömrük Komitəsi məlumat yayıb. Bildirilib ki, Roma-Bakı aviareysi ilə gələn iki nəfər ölkə vətəndaşı "Yaşıl kanal" vasitəsilə gömrük zonasını tərk edərkən "Qırmızı kanal"a yönləndirilib və rentgen qurğusu ilə onların baqaj yüklərinə keçirilən baxış zamanı şübhəli təsvirlər müşahidə olunub. Yoxlama zamanı onlara məxsus çamadanlardan gömrük orqanlarına bəyan edilməyən 471 ədəd diş implantı və 149 ədəd diş implantı aksesuarı aşkar edilib. Faktla bağlı araşdırma aparılır.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

BAKI, 20 sentyabr — Sputnik. Avrasiya İqtisadi İttifaqının (Aİİ) Gömrük Məcəlləsinə düzəlişlər üzərində iş 2025-ci ilin may ayına qədər başa çatacaq. Bunu Avrasiya İqtisadi Komissiyasının (AİK) gömrük əməkdaşlığı üzrə naziri Ruslan Davıdov deyib. © Sputnik / Ilya Pitalev  / Mediabanka keçid Ruslan Davıdov Ruslan Davıdov © Sputnik / Ilya Pitalev / Mediabanka keçidNazir Aİİ-nin mövcud olduğu on il ərzində AİK ilə ittifaqa üzv olan ölkələrin gömrük xidmətləri arasında sıx qarşılıqlı əlaqə nəticəsində əldə edilmiş gömrük inzibatçılığının unifikasiyası sahəsində mühüm irəliləyişləri qeyd edib. "Məqsədimiz növbəti 6 ay ərzində Aİİ Gömrük Məcəlləsinə dəyişikliklər üzərində işi başa çatdırmaq və bu vaxta qədər texniki aspektləri tamamilə bitirməkdir", - Ruslan Davıdov bildirib.Nazir Aİİ-də gömrük əməliyyatları üçün vahid standartın tətbiqini yaxın gələcək üçün əsas vəzifələrdən biri adlandırıb. Prioritet iş istiqamətləri arasında gömrük dəyərinə nəzarətin unifikasiyası, elektron naviqasiya plomblarının tətbiqi, multimodal daşımaların tənzimlənməsi və Aİİ Gömrük Məcəlləsinin təkmilləşdirilməsi nəzərdə tutulub.Digər maraqlı xəbərləri həmçinin Sputnik Azərbaycan-ın Teleqram kanalından izləyin.