Kibertəhlükəsizlik tətbiq laboratoriyasının açılış mərasimi keçirilib
Xəbərlər Gömrük statistikası Xarici ticarətin vəziyyəti haqqında Ən çox idxal olunan mallar Ən çox ixrac olunan mallar Gömrük rüsumlarının statistikası Statistik bülleten Büdcə daxilolmaları Layihələr Satınalmalar Tender Təkliflər sorğusu Kotirovkalar Nomenklatura XIF-in mal nomenklaturası XIF-in mal nomenklaturasının beynəlxalq izahnaməsi HS 2017-2022 korrelyasiya cədvəli Valyuta məzənnələri Terminlər lüğəti Hüquqpozmalarla mübarizə Beynəlxalq əməkdaşlıq Tez-tez verilən suallar Gömrük hərracı Sərhəd keçmə vaxtları Gömrüyün idman həyatı Sosial layihələr Kibertəhlükəsizlik tətbiq laboratoriyasının açılış mərasimi keçirilib Əsas Faydalı Xəbərlər Kibertəhlükəsizlik tətbiq laboratoriyasının açılış mərasimi keçirilib Kibertəhlükəsizlik tətbiq laboratoriyasının açılış mərasimi keçirilib Fevralın 24-də Dövlət Gömrük Komitəsinin Akademiyasında “Cyber 360” kibertəhlükəsizlik tətbiq laboratoriyasının açılış mərasimi keçirilib. Dövlət Gömrük Komitəsinin Akademiyası ilə “Karmasis Azərbaycan” şirkətinin birgə əməkdaşlığı çərçivəsində qurulan laboratoriyanın açılış mərasimində Dövlət Gömrük Komitəsinin sədr müavini Natiq Şirinov, Dövlət Gömrük Komitəsinin Akademiyasının rəisi Qulu Novruzov, Komitənin və Akademiyanın əməkdaşları, “Karmasis” şirkətinin baş direktoru Murad Eraydın, dövlət və özəl qurumların nümayəndələri iştirak edib. Tədbirin əvvəlində şəhidlərimizin və Türkiyədə baş verən təbii fəlakət nəticəsində həyatını itirənlərin xatirəsi bir dəqiqəlik sükutla yad edilib. Daha sonra Dövlət Gömrük Komitəsinin, “Karmasis Azərbaycan” şirkətinin fəaliyyətinə dair təqdimatlar nümayiş etdirilib. Eyni zamanda gömrük sistemində aparılan islahatlar, tətbiq edilən yeniliklər barədə məlumat verilib və bildirilib ki, hazırda gömrük orqanlarının strateji hədəflərindən biri də gömrük işinin təşkili sahəsində rəqəmsallaşmanın genişləndirilməsidir. Qeyd olunub ki, qloballaşan dünyada rəqəmsallaşma, İKT, elektron ticarət, bulud texnologiyaları sürətlə inkişaf edir ki, bu da öz növbəsində virtual məkanda saxlanılan, mübadilə edilən məlumatların daha etibarlı mühafizəsini aktuallaşdırır. Dövlət Gömrük Komitəsinin də kibertəhlükəsizlik məsələlərinə, bu sahədə hərtərəfli biliklərə malik kadrların hazırlanmasına xüsusi önəm verdiyi vurğulanıb. Bu baxımdan Dövlət Gömrük Komitəsinin Akademiyasının fəaliyyətinin təqdirəlayiq olduğu, qabaqcıl təcrübələrin, yeniliklərin öyrənilməsi istiqamətində mühüm addımlar atıldığı diqqətə çatdırılıb. Qeyd olunub ki, ölkəmizdəki ali təhsil müəssisələri arasında kibertəhlükəsizlik tətbiq laboratoriyası ilk dəfə Dövlət Gömrük Komitəsinin Akademiyasında fəaliyyətə başalyıb. Sonra Dövlət Gömrük Komitəsinin Akademiyasının inzibati binasında yerləşən “Cyber 360” kibertəhlükəsizlik tətbiq laboratoriyasının açılışı olub, iştirakçılara laboratoriya barədə məlumat verilib. 24 Fevral 2023 15:16 Paylaş :
Son Xəbərlər
